बिर्तामोड– झापाको अर्जुनधारा-7 स्थित पुष्पलाल मार्गको एउटा घरमा आज अपराह्न भएको आगलागीमा तीन जना घाइते भएका छन् । स्थानीय रोमनाथ खनालको घरमा आगलागी भएको हो । नयाँ ग्यास सिलिन्डर फेर्ने क्रममा आगलागी भएको जिल्ला प्रहरी कार्यालय झापाले जनाएको छ ।
- शिवसताक्षीमा साबुन र बुके बनाउने तालिम
- एसईईमा उत्कृष्ट १० विद्यार्थीलाई शिवसताक्षी-६ को सम्मान
- प्रधानमन्त्रीले जवाफ दिनुपर्ने एमालेको अडान : परराष्ट्रमन्त्रीको स्पष्टीकरण अस्वीकार्य
- सम्पत्ति विवरण बुझाउने समयसीमा असार मसान्तसम्म
- करका दरमा फेरबदलको आरोप : अर्थमन्त्री वाग्ले दबाबमा
आगलागीमा घरधनी खनालसहित उनकी श्रीमती दुर्गा र छोरो पङ्कज घाइते भएका छन् । घाइते तीनै जनालाई उपचारका लागि विराटनगरस्थित नोबेल अस्पताल पठाइएको झापा प्रहरीका प्रवक्ता डिएसपी राकेश थापाले जानकारी दिनुभयो ।
आगलागीको खबर पाउनासाथ इलाका प्रहरी कार्यालय बिर्तामोड र प्रहरी चौकी शनिश्चरेबाट प्रहरी टोली घटनास्थल पुगेको थियो । स्थानीय बासिन्दाको सहयोगमा बिर्तामोड नगरपालिकाको वारुण यन्त्रले आगो नियन्त्रणमा लिएको प्रहरीले जनाएको छ ।
