दोलखा– दोलखाको सिँगटीबाट तस्करीको सुन बरामद भएको छ । बुधबार राति प्रहरीले करिब चार किलो सुनसहित तीन जनालाई पक्राउ गरेको हो ।
दोलखाका प्रहरी प्रमुख डीएसपी दीपक खड्काका अनुसार इलाका प्रहरी कार्यालय सिँगटीको टोलीले सो परिणामको सुन बरामद गरेको छ ।
लप्ची नाकाको लामाबगर हुँदै तस्करहरूले सुन भित्र्याएको अनुमान गरिएको छ । एक साताअघि मात्रै दोलखाको लप्ची नाका खुला गरिएको थियो ।
