झापा- नेपाल शिक्षक महासंघले आगामी असोज ३ गतेदेखि देशभरका विद्यालय बन्द गर्ने घोषणा गरेको छ ।
महासंघले शुक्रबार पत्रकार सम्मेलन गरी शिक्षा विधेयकप्रति असन्तुष्टि जनाउँदै विद्यालय बन्द गरेर आन्दोलनमा उत्रिने जनाएको हो ।
महासंघकी अध्यक्ष कमला तुलाधरले आफ्ना मागहरू सम्बोधन गर्न सरकार तयार नभएकाले सडक आन्दोलन गर्न बाध्य भएको बताइन् ।
पटक पटकको संवाद र छलफलपछि पनि सरकारले शिक्षा विधेयकमार्फत शिक्षक र कर्मचारीलाई धोका दिएको अध्यक्ष तुलाधरको आरोप छ ।
