झापा-दार्चुलाको मालिकार्जुन धाममा लागिरहेको जात्राबाट फर्कने क्रममा जीप दुर्घटना हुँदा छ जनाको मृत्यु भएको छ । गोकुलेश्वरतर्फ गइरहेको म १ ज ३३८ नम्बरकाे बोलेरो जीप गएराति दुर्घटना भएको हो ।
ग्वानी नजिक सिराड खोलामा जीप दुर्घटना भएको र प्रहरी घटनास्थल पुगिसकेको जिल्ला प्रहरी कार्यालय दार्चुलाले जनाएको छ । जीपमा कति यात्रु थिए भन्ने विषयमा केही पनि खुलेको छैन ।
प्रहरीका अनुसार मृतकको सनाखत हुन बाँकी छ । घटनाको विस्तृत विवरण आउन केही समय लाग्ने जनाइएको छ ।
