बिर्तामोड– उपसभामुख इन्दिरा राना मगरले जलवायु परिवर्तन र यसले पारेको असरका विषयमा बहस सिर्जना गर्न सञ्चारमाध्यम लाग्नुपर्ने बताएकी छन् ।
सञ्चारिका समूहले झापाको बिर्तामोडमा आयोजना गरेको पत्रकारिता तालिमको उद्घाटन गर्दै उपसभामुख मगरले जलवायु परिवर्तनको मुद्दामा कलम चलाउन सञ्चारमाध्यमले ढिलो गर्न नहुने बताएकी हुन् ।
महिला पत्रकारको सीप तथा लेखन क्षमता विकासका लागि राज्यले पनि ध्यान दिनुपर्ने बताउँदै उपसभामुख मगरले लैङ्गिक विभेद हटाउन सरोकारवाला सबै सचेत हुनुपर्नेमा जोड दिएकी छन् ।
कोसी प्रदेशस्तरीय दुई दिने पत्रकारिता तालिममा पूर्वका विभिन्न जिल्लाका ३५ जना पत्रकार महिलाको सहभागिता रहेको सञ्चारिका समूह झापाकी अध्यक्ष लीला अनमोलले बताइन् ।
सञ्चारिका समूह केन्द्रकी अध्यक्ष विमला तुम्खेवाको अध्यक्षतामा आयोजित कार्यक्रममा पत्रकार सुशिला संग्रौलालाई सम्मान गरिएको छ ।
