बिर्तामोड-सशस्त्र प्रहरीले झापाको सीमावर्ती क्षेत्रबाट नौ लाख रूपैयाँ बराबरको मोबाइल बरामद गरेको छ । शनिबार दिउँसो झापा गाउँपालिकाको सुकुम्बासी सीमा इलाकाबाट प्रहरीले छ थान मोबाइल बरामद गरेको हो ।
भारतीय मोटरसाइकलमा चढेर नेपाल आइरहेका किसनगञ्ज-१ जानकी चोकका २८ वर्षीय स्त्राफिलकाे साथबाट छ थान आइफोन बरामद भएको सशस्त्र प्रहरी नायब उपरीक्षक महेशराज बिष्टले बताए ।
बरामद भएका मोबाइल र मोटरसाइकल भद्रपुर भन्सार कार्यालयमा बुझाइएको छ । पक्राउ परेका व्यक्तिलाई वडा प्रहरी कार्यालय भद्रपुरमा राखिएको छ ।
