बिर्तामोड–पत्रकार महिलाहरुको संगठन नारी सञ्चार गृहले बिहीवार झापाको बिर्तामोडमा ‘मोवाइल जर्नालिजम’ विषयक एकदिने तालिम आयोजना गरेको छ ।
नारी सञ्चार गृह झापाकी अध्यक्ष रेजिना रोदनको अध्यक्षतामा आयोजित तालिमको नेपाल पत्रकार महासंघ झापाका अध्यक्ष एकराज गिरीले उद्घाटन गरेका छन् ।
पत्रकारको सीप तथा क्षमता बढाउँदै प्रविधि अनुकूल पत्रकारितामा अभ्यस्त गराउने उद्देश्यले तालिम आयोजना गरिएको हो ।
तालिमका सहभागीलाई झापाका अग्रज टेलिभिजन पत्रकार गणेशमान मुखियाले प्रशिक्षण दिएका छन् । सहसचिव ज्याेत्स्ना श्रेष्ठकाे सञ्चालन र कार्यक्रम संयोजक सञ्जु सिवाकाेटीकाे स्वागत मन्तव्य रहेकाे तालिममा २० जनाकाे सहभागिता रहेको छ ।