झापा : जिल्ला कारागार भद्रपुरमा आज दिउँसो कैदीबन्दीबीच झडप भएको छ । झडपका क्रममा कारागारभित्र आगजनी समेत भएको छ ।
कारागारमा रहेका कैदी मनोज लावतीलाई सुनसरीको झुम्का कारागार सरुवा गर्ने निर्णयको विरोधमा कारागारका कैदीबन्दीहरु आन्दोलनमा उत्रिएका हुन् ।
कारागारभित्र ढुंगा हानाहान भइरहेको छ। कारागारभित्रबाट धुँवाको मुस्लो उडिरहेको देखिन्छ । भद्रपुर, मेचीनगर र विर्तामोडको दमकलले आगो निभाउने प्रयास गरिरहेको छ।
सशस्त्र प्रहरी र नेपाल प्रहरीको ठूलो संख्या कारागार बाहिर तैनाथ गरिएको छ।
