चितवन– बाराका एक युवाले आफ्नै शरीरमा आगो लगाएर आत्मदाह गरेका छन् । बाराको गढीमाई नगरपालिका ४ घर भएका २२ वर्षीय राजाबाबु जैसवालले शरीरमा आगो लगाएका हुन् ।
जैसवाल भरतपुर महानगरपालिका ३ लङ्खुमा बस्दै आएका थिए । कोठामा कोही नभएको मौका छोपेर उनले आगो लगाएको चितवनका प्रहरी नायब उपरीक्षक भेषराज रिजालले बताए ।
सोमबार दिउँसो आगो लगाएका जैसवालको राति उपचारका क्रममा काठमाडौँमा मृत्यु भएको हो । कीर्तिपुर हस्पिटलमा उपचारका क्रममा मृत्यु भएको प्रहरीले जनाएको छ ।
