विराटनगर– दुई दिनदेखि विराटनगर विमानस्थलको उडान प्रभावित भएको छ । बाक्लो हुस्सु र कुहिरोका कारण उडान हुन नसकेको हो ।
दुई दिनदेखि उडान हुन नसकेको विराटनगर विमानस्थलका सूचना अधिकारी युवराज भण्डारीले जानकारी दिए । मौसममा सुधार नभएकाले उडानकार्य रोकिएको हो ।
विराटनगर विमानस्थलबाट विभिन्न एयरलाइन्स कम्पनीले दैनिक १६ वटा उडान भर्दै आएका छन् । ती उडानमार्फत करिब एक हजार हवाई यात्रुले सेवा पाउँछन् ।
