झापा-कनकाई माईमा बेसहारा भएका एक व्यक्तिलाई लायन्स क्लब अफ बिर्तामोड लेडीले न्यानो लुगा र खानेकुरा दिएको छ । माईमा भेटिएका ती व्यक्तिलाई ब्लाङकेट, टोपी र खानेकुरा प्रदान गरिएको लायन्स क्लबका डिष्ट्रिक चिफ निरज ओलीले बताए ।
ती व्यक्तिको कोही पनि नरहेको ओलीले जानकारी दिए । लायन्स क्लब अफ बिर्तामोड लेडीकी अध्यक्ष निरु उप्रेती लगायतले सहयोग प्रदान गरेका हुन् । लायन्स क्लब अफ बिर्तामोड लेडीले विभिन्न मानवीय सहयोग गर्दै आएको छ ।
पाँच दिनअघि सो संस्थाले कनकाई–४ स्थित पुकार अपाङ्ग अशक्त समाजमा आश्रितहरुलाई सहयोग गरेको थियो ।