झापा–नेकपा एमालेले आजका लागि तय गरिएका सबै कार्यक्रम स्थगित गरेको छ । पार्टी र जनसंगठनले आयोजना गरेका सबै प्रकारका कार्यक्रम स्थगित गरिएको एमालेले जनाएको छ ।
एमाले उपाध्यक्ष सुवास नेम्वाङको निधनपछि एमालेका सबै कार्यक्रम स्थगित भएका हुन् । एमाले झापाका कार्यालय सचिव छविलाल विश्वकर्माले जिल्ला तहमा आयोजना गरिएका सबै कार्यक्रम स्थगित गरिएको बताए ।
अनेम संघ लगायतका संगठनले तीजको अवसरमा विभिन्न कार्यक्रम आयोजना गरिरहेका छन् । ती सबै कार्यक्रम स्थगित गरिएको छ ।
गौरीगञ्ज गाउँपालिका उपाध्यक्ष पूजनकुमारी न्यौपानेले अखिल नेपाल महिला संघ गौरीगञ्ज १ र २ को तीज विशेष कार्यक्रम स्थगित गरिएको बताइन् ।
