बिर्तामोड– झापाको बिर्तामोडस्थित बेल्स मोडल स्कूलमा बेलुन फुलाउने मेसिन विस्फोट हुँदा एकजना भारतीय नागरिक गम्भीर घाइते भएका छन् ।
भारतीय नागरिक गणेश सहनी घाइते भएको र उनलाई उपचारका लागि बीएण्डसी हस्पिटल लगिएको वडाध्यक्ष अविरल कृष्ण खरेलले जानकारी दिए ।
विद्यालयले आयोजना गरेको शैक्षिक कार्यक्रमको सजावटका लागि ग्यास भरिएको मेसिनबाट बेलुन फुलाउने क्रममा विस्फोट भएको हो ।
विस्फोटबाट घाइते भएका सहनीको चिन्ताजनक अवस्थामा उपचार भइरहेको छ ।