बिर्तामोड- नेकपा एकीकृत समाजवादीका वरिष्ठ नेता झलनाथ खनालले पार्टी नेतृत्वको वेवास्ताका कारण नेता कार्यकर्ता एमालेमा फर्किन थालेको बताएका छन् ।
हिमालय टेलिभिजनलाई दिएको अन्तरवार्तामा उनले कतिपय नेता आफ्नो निहित स्वार्थले पनि एमालेमा गएको बताएका हुन् ।
पार्टीभित्र देखिएको अन्तरविरोधलाई समयमा हल गर्न नसक्दा पार्टी छोड्ने क्रम बढेको नेता खनालले स्वीकार गरेका छन् ।
कतिपय राम्रा र वैचारिक नेता पार्टी नेतृत्वको व्यवहारका कारण विचलित भएर एमालेमा गएको नेता खनालको दावी छ ।
