दमक-झापाको गौरादहबाट शुक्रवार बिहान प्रहरीले १५ जना जुवाडेलाई समातेको छ । गौरादह–३ का युवराज खँड्काको घरमा छापा मारेर प्रहरीले ती जुवाडे पक्राउ गरेको हो ।
इलाका प्रहरी कार्यालय दमक र गौरादहको संयुक्त टोलीले बिहान ३ बजे खँड्काको घरमा छापा मारेको थियो । प्रहरीले पक्राउ परेका जुवाडेको नाम भने खुलाएको छैन् ।
जुवा खालबाट १६ थान कौडा, तीन बुङ तास र नगद एकलाख ३५ हजार बरामद भएको जिल्ला प्रहरी कार्यालय झापाले जनाएको छ । पक्राउ परेकाहरुलाई गौरादह प्रहरीको हिरासतमा राखिएको छ ।
