धरान- खाना पकाउने ग्यास सिलिण्डर लिक भएर आगलागी हुँदा धरानमा आठ जना घाइते भएका छन् । घाइतेमध्ये चार जनाको अवस्था गम्भीर छ ।
‘धरान–१७ को आदर्श चोकस्थित सबिता राईको घरमा आगो लागेको हो । डेरा गरी बस्ने अञ्जना राईको कोठामा ग्यास लिक भएपछि आगो सकिल्कएके सुनसरीका प्रहरी प्रमुख प्रभु ढकालले जानकारी दिएका छन् ।
घाइते हुनेमा घरधनी २७ वर्षीया सबिता राई, कोठा भाडामा बस्ने ४२ वर्षीया अञ्जना राई लगायत छन् । घाइतेमध्ये ६५ वर्षीया वृद्दा रामकुमारी राईको अवस्था सबैभन्दा गम्भीर छ ।
घाइते सबैको धरानस्थित वीपी कोइराला स्वास्थ्य विज्ञान प्रतिष्ठानमा उपचार भइरहेको छ ।
