बिर्तामोड-झापाकाे सुरुङ्गास्थित प्यारागन एकाडेमीका प्रीन्सिपल डी आर सुवेदीकाे सवारी दुर्घटनामा परी मृत्यु भएको छ । बिर्तामोडस्थित बीएण्डसी अस्पतालमा उपचारका क्रममा मृत्यु भएको पत्रकार लीलाराज झापालीले जनाएका छन् ।
कनकाई–८ स्थित पूर्व पश्चिम राजमार्गमा पश्चिमबाट पूर्व आउँदै गरेको ग १ च ३२४८ नम्वरको बोलेरो गाडी र विपरीत दिशाबाट जाँदै गरेको प्र१–०१–०१३प १४१७ नम्वरको मोटरसाइकल जुध्दा दुर्घटना भएको हो ।
दुर्घटनामा मोटरसाइकल चालक सुवेदी गम्भीर घाइते भएका थिए । उपचारका लागि अस्पताल लगिए लगत्तै सुवेदीको मृत्यु भएको जिल्ला ट्राफिक प्रहरी कार्यालय झापाले जनाएको छ ।
घटनापछि प्रहरीले बोलेरो चालक पाँचथर हिलिहाङ–७ बस्ने बर्ष ३७ को होमप्रसाद सेञ्चुरीलाई नियन्त्रणमा लिएको प्रहरी सहायक निरीक्षक यामकुमार खँडकाले बताए ।
