झापा– भुटानी अधिकारवादी नेता टेकनाथ रिजालले थुनछेक आदेश बदरको माग गर्दै उच्च अदालत पाटनमा निवेदन दिएका छन् ।
नेपाली नागरिकलाई भुटानी शरणार्थी बनाएर अमेरिका लैजाने खोजेको अभियोगमा उनलाई अदालतले पुर्पक्षका लागि थुनामा राख्न आदेश दिएको थियो ।
असार १ मा काठमाडौँ जिल्ला अदालतले दिएको आदेश बदर हुनु पर्ने नेता रिजालको माग छ । आफूहरूलाई सामान्य तारिखमा रिहा गर्नुपर्ने जिकिरसहित रिजालले सोमबार रिट दायर गरेका हुन् ।
रिजालको निवेदन दर्तासँगै नक्कली भुटानी शरणार्थी प्रकरणमा सामान्य तारिखमा रिहाइको माग गर्ने अभियुक्तको संख्या १६ पुगेको छ ।
