काठमाडौँ-जिल्ला अदालत काठमाडौँले प्रहरी निरीक्षक बिदुर शिवाकोटीलाई पुर्पक्षका लागि थुनामा पठाउन आदेश दिएको छ ।
बालिका बलात्कारको आरोपमा पक्राउ परेका प्रहरी निरीक्षक शिवाकोटीलाई बुधबार न्यायाधीश शिशिरराज ढकालको इजलासले थुनामा पठाउन आदेश दिएको हो ।
काठमाडौँका एसपी नवराज अधिकारीका अनुसार शिवाकोटीलाई घरेलु श्रमिकका रूपमा राखिएकी १२ वर्षीया बालिकालाई बलात्कार गरेको आरोप लागेको छ ।
जेठ २३ मा पक्राउ परेका शिवाकोटीविरुद्ध जिल्ला सरकारी वकिलको कार्यालयले जिल्ला अदालतमा मुद्दा दायर गरेको थियो ।
