काठमाडौँ– पोखराका लागि उडेको सौर्य एयरलाइन्सको विमान दुर्घटनामा परेकामध्ये चार जनाको शव निकालिएको प्रहरीले जनाएको छ ।
प्रारम्भिक जानकारी अनुसार अग्नि नियन्त्रकहरुले चार जनाको शव निकालेका हुन् । विमानमा सवार अन्यको अवस्थाबारे आधिकारिक विवरण आउन बाँकी छ ।
बुधबार करिब ११ बजे सौर्य एयरलाइन्सको जहाज पोखरा उड्ने क्रममा रनवेबाट दुर्घटनामा परेको थियो । त्रिभुवन अन्तर्राष्ट्रिय विमानस्थलका प्रवक्ता प्रेमनाथ ठाकुरका अनुसार विमानमा चालक दलका सदस्य सहित १९ जना सवार थिए ।
