चारपाने– बिर्तामोड नगरपालिका-४ स्थित पौरखी टोल रोड नम्बर २ सडकको अनुगमन गरिएको छ ।
नगर उपप्रमुख नगेन्द्रप्रसाद संग्रौलाले सडकको अनुगमन गरेका हुन् । याे सडकमा पेवर्स लगाइएको छ ।
नगरपालिकाको योजनाबाट १३ लाख र उपभोक्तामार्फत संकलन गरिएको २ लाख ६० हजार गरी १५ लाख ६० हजार रुपैयाँको लागतमा पेवर्स लगाइएको हो ।
याे रकमबाट जम्मा २ सय २७ मिटर सडकमा पेवर्स लगाइएको र अझै ८५ मिटर सडकमा लगाउन बाँकी रहेको उपभोक्ता समितिका अध्यक्ष कमलबहादुर बस्नेतले जानकारी दिए ।
पेवर्स लगाएपछि स्थानीयलाई आवतजावतमा सहजता भएको छ । उपभोक्ता समितिमार्फत सडकमा पेर्वस ओछ्याउनका लागि बस्नेतको अध्यक्षतामा सात सदस्यीय समिति गठन गरिएको थियो ।
