झापा-भारती मानन्धरले दशैँ सकिएसँगै पुनः रिले अनसन शुरु गरेकी छन् । भारतीले सोमवारबाट पुनः माइतीघर मण्डलामा रिले अनसन शुरु गरेकी हुन् ।
श्रीमानको हत्या गरेको आरोपमा थुनामा रहेका गुण्डा नाइके रिगल भनिने योगराज ढकाललाई संविधान दिवसको अवसरमा आममाफी दिएपछि उनी प्रतिवादमा उत्रिएकी छन् ।
श्रीमान चेतन मानन्धरको हत्या अभियोगमा जेल परेका रिगललाई गत असोज ३ गते सरकारको सिफारिसमा राष्ट्रपति रामचन्द्र पौडेलले आममाफी दिएपछि परिवारले बिरोध गर्दै आएका छन् ।
२०७२ सालको असारमा दुई समूहबीच आपसी विवाद हुँदा नेपालगञ्जका चेतन मानन्धरको हत्या भएको थियो ।
