बिर्तामोड-झापाको दमकमा शनिवार मध्यरातमा हात्तीको आक्रमणबाट एक जनाको मृत्यु भएको छ । राति २ बजे आएको हात्तीले आक्रमण गर्दा दमक-३ दीपज्योति टोलका ४५ वर्षीय मीनबहादुर भण्डारीको मृत्यु भएको हो ।
छिमेकी सुबिन भट्टराईको किचन घर भत्काउन लाग्दा भण्डारीले हात्तीलाई धपाउन खोजेका थिए । हात्तीले १०० मिटर परसम्म लखेटेर भण्डारीलाई लछारपछार पारेको इलाका प्रहरी कार्यालय दमकले जनाएको छ ।
