कास्की- प्रहरी पोशाकमा टिकटक बनाउने दुई प्रहरी अधिकारी कारबाहीमा परेका छन् । गण्डकी प्रदेश प्रहरी कार्यालयले उनीहरुमाथि कारबाही गरेको हो ।
कारबाहीमा पर्नेमा अस्थायी ट्राफिक प्रहरी पोस्ट कास्कीमा कार्यरत प्रहरी सहायक हल्दार हरिचन्द्र रिमाल र प्रहरी जवान कोपिला थापा मगर छन् ।
प्रदेश प्रहरी कार्यालयको उजुरी छानबिन शाखाले प्रहरी आचरण विपरीत गतिविधि गरेको जनाउँदै उनीहरूमाथि कारबाही गरेको हो ।
प्रदेश प्रहरी कार्यालयले आचारसंहिता सम्बन्धी कार्यादेश २०७७ को पूर्णरूपमा पालना गर्न गराउन मातहतका सबै कार्यालयलाई निर्देशन पनि दिएको छ ।
