झापा-नक्कली शैक्षिक योग्यताको प्रमाण पत्रका आधारमा एमबिबिएस अध्ययन गरेको अभियोगमा पक्राउ परेका चारजना डाक्टर धरौटीमा रिहा भएका छन् ।
काठमाडौँ जिल्ला अदालतले जनही ६० हजार रुपैयाँ धरौटी तिरेर रिहा गर्न आदेश दिएको हो । अदालतको आदेशपछि धरौटी रकम बुझाएर उनीहरु रिहा भएका छन् ।
रिहा हुने डाक्टरमा पुनम थापा, श्रद्धा शिल्पकार, रन्जित यादव र एरिना साह छन् । उनीहरूलाई २५ साउनमा नेपाल प्रहरीको केन्द्रीय अनुसन्धान ब्युरोले पक्राउ गरेको थियो ।