विराटनगर–कोशी प्रदेशका मुख्यमन्त्री केदार कार्कीले चालु आर्थिक वर्ष २०८०–८१ का लागि बजेटको आकार बनाउने गरी अध्यादेश प्रतिस्थापन विधेयक संसदमा पेश गरेका छन् ।
अध्यादेशमा रहेको भन्दा ५० करोड आकार वृद्धि गर्दै कार्कीले शनिबार प्रतिस्थापन विधेयक पेश गरेका हुन् । यसले बजेटको आकार बढ्ने देखिएको छ ।
आर्थिक मामिला तथा योजना मन्त्रालयको जिम्मेवारीमा समेत रहेका मुख्यमन्त्री कार्कीले प्रतिस्थापन विधेयकमार्फत चालू आर्थिक वर्षका लागि ३६ अर्ब ७४ करोड ३५ लाख १० हजारको बजेट पेश गरेका हुन् ।
यसअघि तत्कालिन मुख्यमन्त्री हिक्मतकुमार कार्की अध्यादेशमार्फत ३६ अर्ब २४ करोड ३५ लाख १० हजार बराबरको बजेट ल्याएका थिए ।