काँकडभिट्टा– भारतबाट आउँदै गरेका इलाम चुलाचुली-४ आइतवारेका धीरज हिमाङको साथमा मंगलवार राति ३५ ग्राम ब्राउन सुगर भेटिएको छ ।
प्रहरी कार्यालय काँकरभिट्टा र लागुऔषध नियन्त्रण ब्युरो काँकरभिट्टाबाट खटिएको प्रहरी टोलीले उनको साथमा ब्राउन सुगर भेटेको हो ।
जुत्तामा लुकाएको अवस्थामा हिमाङको साथमा ३५ ग्राम ब्राउन सुगर भेटिएको जिल्ला प्रहरी कार्यालय झापाले जनाएको छ ।
झापा प्रहरीका प्रवक्ता डीएसपी खगेन्द्रप्रसाद रिजालले उनलाई काँकडभिट्टा प्रहरीको हिरासतमा राखिएको बताए ।
