झापा-कोशी प्रदेशमा चालु आर्थिक वर्षको पाँच महिनामा भएका सवारी दुर्घटनामा १९१ जनाको मृत्यु भएको छ । प्रहरीका अनुसार ३२७ जना गम्भीर घाइते भएका छन् ।
साउनदेखि मङ्सिर मसान्तसम्म प्रदेशभर ३ हजार ४ सय ९८ वटा सवारी दुर्घटनामा परेका छन् । ती दुर्घटनामा १९१ जनाको मृत्यु भएको हाे ।
राजमार्ग सुरक्षा तथा ट्राफिक व्यवस्थापन कार्यालय इटहरीका अनुसार सबैभन्दा बढी मोटरसाइकल दुर्घटना हुँदा मानवीय क्षति बढेको छ ।
पूर्व पश्चिम राजमार्ग विस्तार भइरहेकाले ठाउँ ठाउँमा सवारी आवागमनका लागि डाइभर्सन बनाइएको छ । कतिपय ठाउँमा साँघुरो डाइभर्सन हुँदा दुर्घटना हुने गरेको छ ।
