दमक- दमक नगरपािलकाका प्रमुख प्रशासकीय अधिकृत डम्वरुवल्लभ निरौला विवादको घेरामा तानिएका छन् । नगरपालिकाको क्वार्टरमा महिलासँगको चुम्वन भिडियो बाहिरिएपछि उनी नैतिक संकटमा परेका हुन् ।
मदिरामा मस्त भएको भिडियो सामाजिक सञ्जालमा भाइरल छ । निरौलासँग रहेकी महिलाले टिकटकमा लाइभ गरेपछि भिडियो सार्वजनिक भएको हो ।
निजी जीवन भए पनि सार्वजनिक माध्यमबाट भिडियो बाहिरिएपछि निरौलामाथि विभागीय कार्वाहीको तयारी भएको छ ।
दमक नगरपालिकाले पनि यस विषयमा ध्यानाकर्षण भएको जनाउँदै आवश्यक कार्वाहीका लागि माथिल्लो निकायमा लेखि पठाएको जनाएको छ । नगरका कार्यपालिका सदस्यले प्रशासकीय अधिकृतको भूमिकामाथि नैतिक प्रश्न उठेको जनाउँदै कार्यालय प्रवेशमा रोक लगाउन माग गरेका छन् ।
