काठमाडौँ– कोशी प्रदेशका पूर्वमन्त्री लीलाबल्लभ अधिकारीलाई दुई दिन हिरासतमा राखेर अनुसन्धान गर्न काठमाडौँ जिल्ला अदालतले अनुमति दिएको छ ।
विवादित जापान भ्रमणसँगै मानव तस्करीमा मुछिएपछि अधिकारीलाई आइतबार प्रहरीले विराटनगरस्थित निवासबाट पक्राउ गरेको थियो । लगत्तै उनी काठमाडौँ लगिएका हुन् ।
काठमाडौँ प्रहरी परिसरका प्रवक्ता नवराज अधिकारीले अदालतको आदेश बमोजिम पूर्वमन्त्री अधिकारीमाथि अनुसन्धानका लागि दुई दिनको म्याद पाएको बताए ।
विवाद सार्वजनिक भएपछि अधिकारीले मन्त्री पदबाट राजीनामा दिएका थिए । लगत्तै नेकपा एमालेले अधिकारीलाई संगठित सदस्यबाट समेत निलम्बन गरेको थियो ।
