काठमाडौँ– नक्कली भुटानी शरणार्थी प्रकरणमा मुछिएपछि पुर्पक्षका लागि कारागार चलान भएका भुटानी शरणार्थी नेता टेकनाथ रिजाल अदालतको आदेशपछि धरौटी बुझाएर बुधवार रिहा भएका छन् ।
सात महिना हिरासतमा बसेका नेता रिजाललाई उच्च अदालत पाटनले मंसिर १५ मा १५ लाख रुपैयाँ धरौटीमा छाड्न आदेश दिएको थियो । तर, धरौटी रकम बुझाउन नसक्दा उनी सुन्धारा कारागारमै थिए ।
धरौटी रकम बुझाएपछि नेता रिजाल रिहा भएको उनका सहयोगी विश्वनाथ क्षेत्रीले जानकारी दिए ।रिहाइपछि रिजालले आफ्नो पक्षमा सहयोग गर्ने सबैलाई धन्यवाद दिएका छन् ।