मोरङ-नेकपा एमालेका महासचिव शंकर पोखरेलले आगामी निर्वाचनअघि संविधान संशोधन हुन सक्ने बताएका छन् । विराटनगर विमानस्थलमा पत्रकारसँग कुरा गर्दै उनले संविधानका सबल र दुर्बल पक्षको समीक्षा भइरहेको बताए ।
सत्ता बाहिर रहेका सबै दललाई साथमा लिएर संविधान संशोधन गरिने बताउँदै एमाले महासचिव पोखरेलले स्थानीय तहसम्मका सबै दलसँग सहकार्य गरिने स्पष्ट पारेका छन् ।
महासचिव पोखरेलले सरकारको काम कारबाहीलाई प्रभावकारी ढंगले सम्पादन गर्न दुई दलीय संयन्त्र गठन गरिएको बताएका छन् ।
