झापा-मोरङको सुन्दरहरैँचा नगरपालिकामा रहेको सुन्दरहैँचा नगर अस्पतालका चिकित्सकमाथि हातपात भएको छ ।
हेटौंडामा चिकित्सकमाथि भएको कुटपिटको घटना सेलाउन नपाउँदै मोरङमा पनि चिकित्सकमाथि हातपात तथा दुर्व्यवहार भएको हो ।
चिकित्सकहरुको सुरक्षाको ग्यारेन्टी र हेटौंडा घटनामा संलग्नहरुलाई कारबाही हुनुपर्ने मागसहित देशभर आन्दोलित छन् ।
बुढीगंगा गाउँपालिका–७ का ३८ वर्षीय शुक्रराज माझीले सुन्दरहरैँचा नगर अस्पतालका मेडिकल अधिकृत डाक्टर सन्दीप पोखरेलमाथि हातपात गरेका हुन् ।
बिहीबार माझीले अस्पतालको इमर्जेन्सी वार्डमा डिउटीमै रहेका डाक्टर पोखरेलमाथि हातपात तथा दुव्र्यवहार गरेको अस्पतालका मेडिकल सुपरिटेन्डेन्ट डाक्टर विपिन यादवले जानकारी दिए ।
बिहीबार सार्वजनिक बिदा भएको हुँदा अस्पतालको बहिरंग सेवा ओपिडी बन्द रहेको अवस्थामा शुक्रराजले आफ्ना बुवा तारिणीप्रसाद माझीलाई उपचारका लागि लगेका थिए ।
तारिणीप्रसादलाई ज्वरो आएको भन्दै शुक्रराजले ओपिडी बन्द भएपछि अस्पतालको इमर्जेन्सी कक्षमा लगेको अस्पताल प्रशासनले जनाएको छ ।
