काठमाडौँ-नेकपा एकीकृत समाजवादी पार्टीका महासचिव घनश्याम भुसालले गणतान्त्रिक व्यवस्थामाथि छिट्टै संकट आउन लागेको बताएका छन् ।
मार्क्सवादी अध्ययन केन्द्रले बुधबार काठमाडौँमा आयोजना गरेको कार्यक्रममा बोल्दै महासचिव भुसालले राजनीतिक नेतृत्वमा देखिएको नैतिक र सैद्धान्तिक संकट टर्न नसक्ने बताएका हुन् ।
महासचिव भुसालले नेताहरू पार्टीको घेरा तोडेर बहसका लागि तयार नहुने हो भने समस्या झन् बढ्ने र पार्टीहरु पनि संकटमा पर्ने बताए ।
व्यवस्थामाथिको संकट टार्न वामपन्थी दलहरू एकबद्ध हुनुको विकल्प नभएको औल्याउँदै महासचिव भुसालले हिजोका गल्तीबाट पाठ सिक्नुपर्ने बेला आइसकेको उल्लेख गरे ।
