झापा-देउता चढेको भन्दै खुकुरी हान्दा शनिवार दाङको तुलसीपुरमा एक महिलाको मृत्यु भएको छ । तुलसीपुर उप महानगरपालिका ११ बेलटाकुराकी ४३ वर्षीया रीता लामिछानेको मृत्यु भएको हो ।
आफूलाई देउता चढेको भन्दै छिमेकी ४२ वर्षीय टेकबहादुर हमालले दिउँसो दुई बजे खुकुरी प्रहार गर्दा घर नजिकै लामिछानेको मृत्यु भएको प्रहरीले जनाएको छ ।
हमालले बाटो हिँड्दै गरेका अरु दुई जनालाई पनि खुकुरी हानेका छन् । खुकरी प्रहारबाट घाइते भएकाहरुको राप्ती प्रादेशिक अस्पतालमा उपचार भइरहेको इलाका प्रहरी कार्यालय तुलसीपुरका डीएसपी ठाकुर पोखरेलले बताए ।
हमालले प्रहार गरेको खुकुरीको चोटले स्थानीय अन्दाजी ६५ वर्षीया कमलाकुमारी हमाल र उनका छोरा ४५ वर्षीय वीरबहादुर हमाल घाइते भएका हुन् ।
