बिर्तामाेड– आँखाको संक्रमण प्रकोपका रुपमा फैलिएपछि झापाका स्थानीय तहले आवश्यकता अनुरुप विद्यालय बन्द गर्न सरोकारवालालाई निर्देशन दिएका छन् ।
आँखाको संक्रमणका कारण बालबालिका धमाधम बिरामी पर्न थालेपछि थप संक्रमण फैलिन नदिन सरोकारवालालाई विद्यालय बन्द गर्न निर्देशन दिएको सम्बन्धित शिक्षा शाखाले जनाएका छन् ।
बिर्तामोड नगर शिक्षा शाखा अधिकृत केशर खवासले संक्रमण धेरै भएका विद्यालयलाई आइतबार र सोमबार पठनपाठन बन्द गर्न निर्देशन दिइएको बताए ।
बालबालिकामा आँखाको संक्रमण फैलिन थालेपछि स्थानीय तहले आवश्यक सतर्कता अपनाउन सार्वजनिक रुपमा अपिल पनि गरेका छन्
