झापा–नेकपा एकीकृत समाजवादीले आगामी चैतमा पार्टीको महाधिवेशन गर्ने भएको छ । पार्टी कार्यालय तीनकुनेमा जारी सचिवालय बैठकमा समाजवादीका अध्यक्ष माधवकुमार नेपालले महाधिवेशन प्रस्ताव गरेका हुन् ।
यसअघि एकीकृत समाजवादीले महाधिवेशन माघमा गर्ने जनाएको थियो । दुई वर्षअघि एमालेबाट अलग भएको एकीकृत समाजवादीभित्र अहिले नेताहरुको उमेर हदलाई लिएर विवाद छ ।
पार्टी विधानमा नेताको उमेर हद ७० वर्ष तोकिएपछि अध्यक्ष नेपाल र वरिष्ठ नेता झलनाथ खनालबीच मतान्तर बढेको हो । नेपाल र खनाल दुवै ७० वर्षनजिक छन् ।
