बिर्तामोड–पूर्व राजा ज्ञानेन्द्र शाहलाई आमन्त्रण गरेर तामझामका साथ पृथ्वीनारायण शाहको शालिक अनावरण गरेको झापा बिर्तामोडको इकोम कलेज विवादको घेरामा तानिएको छ ।
कलेज उद्घाटनको शिलालेखमा श्री ५ महाराजाधिराज लेखेको पाइएपछि कलेज व्यवस्थापनले संविधान र प्रचलित कानून उलंघन गरेको विषयले सार्वजनिक रुपमा चर्चा पाएको हो ।
बहालवाला राजा सरह संविधानविपरीत कलेज व्यवस्थापनले शिलालेखमा श्री ५ महाराजाधिराज शब्द प्रयोग गरेको सरोकारवालाले औँल्याएका छन् ।
कलेजका संस्थापक अध्यक्ष आलोक कार्कीले शिलालेखमा त्रुटि भएको स्वीकार गर्दै त्यसलाई अविलम्व सच्याउने बताए । अध्यक्ष कार्कीले आफूहरु संविधानविरुद्ध नरहेको स्पष्ट पारेका छन् ।