बारा– बाराको टांगियाबस्तीबाट हत्कडीसहित फरार भएका सागर लामालाई प्रहरीले पक्राउ गरेको छ । मंगलबार हतियारसहित पक्राउ परेका लामालाई स्थानीयले नियन्त्रणमा लिएर भगाएका थिए ।
स्थानीय र प्रहरीबीच झडप हुँदा उक्त घटना भएको थियो । घटनामा प्रहरीका वरिष्ठ नायब निरीक्षक कलमबहादुर शाहीसहित दुईजना घाइते भएका थिए ।
लामालाई बाराको निजगढ बजारबाट नियन्त्रणमा लिइएको बाराका प्रहरी प्रमुख होवीन्द्र बोगटीले जानकारी दिए ।
वन्यजन्तु सिकारका लागि प्रयोग गर्ने गरेको एकथान बन्दुक र बाघका दाह्राजस्तो देखिने केही सामग्रीसहित लामालाई मंगलबार घरबाट नियन्त्रणमा लिइएको थियो ।
नियन्त्रणमा लिई फर्कने क्रममा स्थानीय बासिन्दासँग झडप हुँदा लामा हत्कडीसहित फरार भएका थिए ।