मेचीनगर-काठ तस्करीमा संलग्न भएको अभियोगमा प्रहरीले झापाको मेचीनगरबाट एक जनालाई पक्राउ गरेको छ । पक्राउ पर्नेमा मेचीनगर २ का तेजबहादुर राई रहेका छन् ।
प्रदेश १-०२-००३ त १८१२ नम्वरको ट्याक्टरमा आँप, कदम, छतिउन लगायत विभिन्न जातको ८३ थान गोलिया काठसहित राई पक्राउ परेको जिल्ला प्रहरी कार्यालय झापाले जनाएको छ ।
झापा प्रहरीका प्रवक्ता डीएसपी खगेन्द्रप्रसाद रिजालले आवश्यक कागजात फेला नपरेकाले राईलाई पक्राउ गरी आवश्यक कार्वाही अगाडि बढाइएको बताए ।
काठसहित राईलाई आवश्यक कार्वाहीका लागि डिभिजन वन कार्यालय झापामा पठाइएको छ ।
