झापा-सरकारले माघ तेस्रो साता सङ्घीय संसदको अधिवेशन बोलाउने तयारी गरेको छ । कानुन न्याय तथा संसदीय मामिला मन्त्री धनराज गुरुङले सभामुख देवराज घिमिरेलाई भेटेर संसद अधिवेशनको तयारीका विषयमा छलफल गरेका हुन् ।
मङ्गलबार सिंहदरबारस्थित सभामुखको कार्यकक्षमा भएको भेटमा मन्त्री गुरुङले संसद अधिवेशनको मिति, विधेयकको अवस्था र लगायतका विषयमा छलफल गरेका छन् ।
मन्त्री गुरुङले माघ १८ गते संसद अधिवेशन बोलाउने सरकारको तयारी रहेको सभामुखलाई जानकारी गराएको संसद सचिवालयले जनाएको छ ।