झिलझिले– झापाका स्थानीय तहका कर्मचारी आन्दोलित भएका छन् । पेशागत हकहितको माग राखेर उनीहरु चरणबद्ध संघर्षमा उत्रिएका हुन् ।
शुक्रवार झापाका १५ पालिकामा संघर्ष समिति बनाइएको छ । असोज ८ गते भएको स्थानीय तहका कर्मचारीको भेलाले जिल्लास्तरीय संघर्ष समिति गठन गरेको थियो ।
स्थानीय तहमा संघीय निजामती सेवा ऐनको सट्टा एकीकृत निजामती सेवा ऐनको माग गर्दै कर्मचारी आन्दोलित भएका हुन् ।
जिल्ला स्तरीय स्थानीय तह कर्मचारी संघर्ष समितिले शुक्रबार जिल्ला प्रशासन कार्यालय झापामार्फत प्रधानमन्त्रीलाई ज्ञापनपत्र पठाएको छ ।
