बिर्तामोड-गौरीगञ्ज गाउँपालिकामा उपाध्यक्ष पूजनकुमारी न्यौपानेलाई कार्यवाहक अध्यक्षको जिम्मेवारी दिइएको छ ।
स्थानीय सरकार सञ्चालन ऐन २०७४ को दफा १२ अनुसार अध्यक्ष फूलवती राजवंशीले उपाध्यक्ष न्यौपानेलाई कार्यवाहक अध्यक्षको जिम्मेवारी तोकेकी हुन् ।
अध्यक्ष राजवंशी एकसाता भन्दा लामो विदेश भ्रमणका लागि जापान गएकी छिन् । जापान जानुअघि उनले जिम्मेवारी तोकेकी हुन् । साउन ३२ देखि भदौ १२ सम्म आफूले कार्यवाहक अध्यक्षको जिम्मेवारी पाएको उपाध्यक्ष न्यौपानेले बताइन् ।
जाइकाको आयोजनामा हुने कनकाई सिंचाई परियोजना सम्वन्धी कार्यक्रममा सहभागी हुन अध्यक्ष राजवंशी जापान गएकी हुन् ।
