झापा-घरबाट हराएको सात दिनपछि झापाको एउटा सहकारी संस्थाका एकजना कलेक्टर मृत भेटिएका छन् । झापाको मेचीनगर–१० घर भएका ४८ वर्षीय भेषराज खनाल मृत भेटिएको प्रहरीले पुष्टि गरेको हो ।
झापा प्रहरीका प्रवक्ता खगेन्द्रप्रसाद रिजालले झापाको हल्दिबारी गाउँपालिका-५ मा रहेको शान्ति सामुदायिक वनमा सखुवाको रुखमा झुण्डिएको अवस्थामा खनालको शव फेला परेको बताए । खनाल माघ २५ गतेदेखि सम्पर्कबिहीन भएका थिए ।
सहकारीको पैसा कलेक्सनको लागि निस्केकोमा हालसम्म पनि सम्पर्कमा नआएको भन्दै भाई तोयानाथ खनालले माघ २६ गते दिएको निवेदनका आधारमा इलाका प्रहरी कार्यालय धुलाबारीले खोजतलास थालेको थियो ।
