झापा-बिर्तामोड नगरपालिकाले साविक बमोजिम नगरवासीसँग कर लिने निर्णय गरेको छ । बिहीवार बिहान बसेको कार्यपालिका बैठकले साविक बमोजिम कर लिने निर्णय गरेको हो ।
यसअघि नेपाली कांग्रेससहितका दलहरुले कर वृद्धि गरिएको भन्दै यसलाई सच्याउन अल्टिमेटम दिएका थिए । दलहरुले दिएको अल्टिमेटम सकिनु अगाडि नगरपालिकाले आफ्नो निर्णय पुनरावलोकन गरेको हो ।
नगर प्रमुख पवित्रा महतारा प्रसाईले जनताप्रति जवाफदेही हुँदै साविक बमोजिम सम्पत्ति कर लिइने बताइन् ।
करदाताबाट उठेका गुनासा, जनताको आर्थिक अवस्था, बजारको प्रतिकूलता लगायतका कारण चालु आर्थिक वर्षमा हेरफेर गरिएको सम्पत्ति कर साविक बमोजिम कायम गरिएको नगर प्रमुख प्रसाईले बताइन् ।
