बिर्तामोड-जंगली हात्तीको आक्रमणबाट झापामा मंगलवार बिहान एक जनाको मृत्यु भएको छ । मृत्यु हुनेमा झापाको भद्रपुर–७ का ५३ वर्षीय गिरेन कर्मकार रहेका छन् ।
देउनिया खोला उत्तर चिया बगानमा च्याउ टिप्न गएका बेला कर्मकारलाई हात्तीले आक्रमण गरेको हो । उनको घटनास्थलमा मृत्यु भएको झापा प्रहरीका प्रवक्ता डीएसपी खगेन्द्रप्रसाद रिजालले बताए ।
प्रहरीका अनुसार कर्मकार बिहान ४ बजे स्थानीय महेन्द्र पोखरेलको चिया बगानमा च्याउ टिप्न गएका थिए । घटनाबारे थप अनुसनधान भइरहेको प्रहरीले जनाएको छ ।
