झापा-बिर्तामोड नगरपालिकाले विपन्न ज्येष्ठ नागरिकलाई कम्बल वितरण गरेको छ । नगर पालिकाको कार्यालयमा १ सय ६० जनालाई कम्बल वितरण गरिएको हो ।
नगरका सबै वडाबाट संकलन गरिएको नामका आधारमा जेष्ठ नागरिकलाई कम्मल वितरण गरिएको नगर पालिकाको महिला तथा बालबालिका शाखाले जनाएको छ ।
कार्यक्रममा बोल्दै नगर प्रमुख पवित्रा महतारा प्रसाईले जाडोले ज्येष्ठ नागरिक बढी पीडित हुने भएका कारण कम्बल वितरण गरिएको बताइन ।
नगरपालिकाले गएका वर्षहरुमा प्रत्येक वडाबाट १०÷१० जनाको दरले १ सय जनालाई कम्बल वितरण गर्दै आएको थियो । यस वर्ष यसको संख्या बढेको छ ।
नगरपालिकाले ज्येष्ठ नागरिकलाई कम्बल लिन आउँदा जाँदा लाग्ने भाडाको समेत व्यवस्था गरेको थियो ।
