झापा-रोजगार अनुमति प्रणाली इपीएस अन्तर्गत पहिलो चरणको भाषा परीक्षामा ६ हजार जना भन्दाबढी पास भएका छन् ।
उत्पादन क्षेत्रमा काम गर्न जान भाषा परीक्षा दिएकामध्ये ६३२१ जना उत्तीर्ण भएको दक्षिण कोरिया सरकारको मानव संसाधन विभागले जनाएको छ ।
पहिलो चरणमा भाषा परीक्षा उत्तीर्ण गरेका परीक्षार्थीले दोस्रो चरणमा सिप परीक्षणका लागि तयार हुनुपर्ने भएको छ । वैशाख ९ देखि १५ सम्म उनीहरूको सीप परीक्षण हुनेछ ।
पहिलो चरणको भाषा परीक्षामा ४०,५८० जना सहभागी भएको इपीएस कोरिया शाखाले जनाएको छ । फागुन पहिलो सातादेखि चैत्र २४ सम्म उनीहरूको परीक्षा भएको थियो ।
भाषा परीक्षाका लागि १ लाख ६३ हजार ५३५ जनाले आवेदन दिएकोमा यो वर्ष १६ हजार चारसय जना छनौट गरेर पठाउने योजना छ ।