इलाम-इलामको माईजोगमाई-२ मा श्रीमानले श्रीमतीको हत्या गरेका छन् । गएराति १० बजे स्थानीय राधिका खतिवडाको हत्या भएको हो ।
श्रीमान पीताम्बर खतिवडाले राधिकाको हत्या गरेको जिल्ला प्रहरी कार्यालय इलामले जनाएको छ । राति हल्लाखल्ला भएपछि छिमेकी खतिवडाको घरमा पुगेका थिए ।
प्रहरी प्रमुख दिलीपकुमार घिमिरेले मृतककाे बायाँ गालाको भागमा दुईवटा गहिरो चोट लागेको बताए । प्रहरीका अनुसार घटनापछि पिताम्वरले पनि आत्महत्या गरेका छन् ।
