झापा-रोजगारीका लागि विदेश गएका श्रमिकको मृत्यु भए पीडित परिवारलाई दिइने राहत रकममा बृद्धि गरिने भएको छ । सरकारले चालु आर्थिक वर्षदेखि राहत रकम बढाउने तयारी गरेको हो ।
राहत रकम बृद्धि गर्ने विषयमा आवश्यक कार्यविधि बनाएर लागू गर्ने तयारी भएको श्रम, रोजगार तथा सामाजिक सुरक्षा मन्त्रालयका सहसचिव डण्डुराज घिमिरेले बताए ।
अहिले रोजगारीका लागि गएका श्रमिकले ज्यान गुमाए सरकारले राहतवापत सात लाख रुपैयाँ दिँदै आएको छ । अब यसलाई बढाएर १० लाखसम्म बनाउने सरकारी तयारी छ ।
